مصالح أمن بني أنصا ر بقيادة عناصرها الشابة تفك لغز سرقة الدكاكين

تمكنو من سرقة  5محلات في يومين حراكة طاحو فيد البوليس متلبسين بسرقة محل تجاري فبني انصار

نجحات عناصر لابيجي لي كتشتاغل فمفوضية الأمن، فبني انصار الحدودية، بإقليم الناظور، فتفكيك عصابة إجرامية، مكونة من خمسة شباب، جاو لمدينة يحركو لأوروبا، ضربو خمسة دلمحلات تجارية فظرف يومين.

وحسب مصدر عليم، عناصر الأمن التابعين للشرطة القضائية، وبخطة محكمة، قدرو يشدو عنصرين، فحالة تلبس، كيحاولو يسرقو واحد المحل تجاري، فحي المستوصف، بحيث سبق لهاد المجموعة ديال الحراكة،١ سرقات 4 محلات، وتسببات لماليها فخسائر كبيرة.

وحسب المصدر نفسه، الثلاث عناصر ديال العصابة، تمكنت مصالح الأمن من التعرف عليهم، وتم إصدار برقية بحيث وطنية فحقهم.

الإجراءات لي دارتها عناصر مفوضية أمن بني انصار، لقات استحسان ساكنة المنطقة، لي حسات فلأول بانعدام الأمن فمدينتهم، قبل ما يتم إيقاف أفراد العصابة.

ومن هادشي كلو، مزال ساكنة بني انصار كتنادي السلطات المحلية، وعلى رأسهم عامل الإقليم، باش يدارو حملات مكثفة، يجمعو الشباب لي أغلبهم قاصرين، وجاو للمدينة باش يحركو، حيث ولاو كيشكلو خطورة على أمن وسلامة المواطنين.